الصفحة الرئيسية / موضوعات متنوعة / الانترفيو من البداية للنهاية!

الانترفيو من البداية للنهاية!

الانترفيو من البداية للنهاية!

إزاى تتخطى اى انترفيو

ألبوم رائع #شير_فى_الخير .

Copied : Freelanceme

https://www.facebook.com/Freelanceme.net

الناس خلصت امتحانات

فيه ناس هتتخرج و ناس هتشتغل و ناس هتتدرب
بالنسبة بقي للتدريب او الشغل و المشكلة العظمي اللي بتواجهنا
ال InterViewو ما ادراك ما هو ال interview بالنسبة لناس كتير حتي ال freelancers
علشان كدا من بكرا ان شاء الله هنبدا ننزل كل حاجة ليها علاقة بال interview و ازاي تعديه بسهولة جدا

تابعونا و منشن صاحبك اللي هيخش للبعبع معا


ما قبل الانترفيو


فيه كذا خطوة لازم تعملها اول ماتعرف انك عندك انترفيو
سواء كنت مقدم في تدريب او شغل او منحة او حتي مقابله لشغل freelancing

1- لازم تسال نفسك انت تعرف ايه عن الشركة اللي انت مقدملها
2- تعرف كل انشطتها
3- تعرف اهم عملائها و اهم انجازتها و ايه نتائج اربحها السنين اللي فاتت
4- لازم تجهز الاسئلة اللي تتوقع انك تتسال فيها و اجابتك ليها
5- لو مقدم لوظيفة technical لازم تكون فاهم و دارس كويس
6- لازم تعرف المعايير اللي الشركة بتختار عليها الموظفين و تدرسها كويس
7- حاول تعرف مين اللي هيعملك الانترفيو علشان تفهم دماغه
8- حاول يبان اجتهادك في الاجابات علشان هيبين للي بيعملك الانترفيو قد ايه انت تعبت في تجميع المعلومات
9- حاول تعمل انترفيو تجريبي مع صديق اوHr تعرفه علشان تتعود و تتدرب
10- خليك دائما واثق في قدراتك
لو عملت كل الحاجات اللي فاتت دي اتاكد انك جاهز للانترفيو
لو بتعمل حاجة زيادة احكيلنا
و استنوا باقي الخطوات


مرحلة الوحش  يوم الانترفيو


دي الملاحظات الذهبية علشان تعدي الانترفيو بسهولة ان شاء الله

1- قولنا قبل كدا لازم تعمل انترفيو تجريبي مع حد من صحابك و تتخيل كل اللي هيحصل معاك في الانترفيو علشان تكسر الرهبة و تتعود علي الاسئلة
2- البس ما يليق بك
يعني البس اللبس المطلوب للوظيفة اللي انت مقدم عليها
لو formal يبقي لبسك formal و لو classic يبقي لبسك عادي بس مش اوفر
و بلاش تلبس حاجات ملفته للانتباه و بلاش سلاسل او حظاظات في الانترفيو 😀
3- حاول تروح قبل معادك بنص ساعه مثلا تحسبا لاي مشاكل في الطريق
4- حاول يكون معاك note و قلم
5- اقفل موبايلك او اعمله silent 😀
6- لو حصلت ظروف و مش هتقدر تروح الانترفيو لازم لازم لازم تتصل تعتذر او تحدد معاد تاني علشان مش تتحط blacklist
7- بعض الشركات بتراجع ال personal accounts بتاعتك علي Facebook و twitter فحاول تشيل اي حاجة ملهاش لازمة من عليهم
8- حاول تهدي نفسك قبل الانترفيو، تسمع قران او اغاني او اي حاجه تهديك ،تاكل او تشرب المهم تبقي هادي
9- ادخل بقي و انت هادي خالص مبتسم و حاول تتحاشي كل حاجة سلبيه ممكن تتقال
يعني بلاش تشتكي من الانتظار او الزحمة او المواصلات او اي كان
10- ركز جدا في السؤال و اعرف هو عايز ايه من ورا الاجابة علشان تعرف تجاوب صح
11- ال body language مهمة جدا و دايما الHR بيحاول يظفط عليك و يراقب حركاتك
12- لو غلطت في سؤال متتوترش نهائي، لازم بكون في سؤال تعجيزي
13- لازم ال HR يعرفك بنفسه في البدايه و لو مش عمل كدا هيسالك في نهاية الانترفيو هل في حاجة ناقصة ؟ هتقوله بقي 😉
14- ركز هو طالب الاجابه بالعربي ولا بال English
15- توقع يطلب منك اي حاجة تعملها علشان يشوف درجة مرونتك في التعامل
16- اوعي تفقد ثقتك في نفسك بس بلاش الغرور

لو عملت الحاجات دي هتعدي زي الصاروخ و استنوا الخطوة الجاية بقي


نهاية الانترفيو


خلاص الاسئلة خلصت و هيبدا ال HR ياخد رايك في الانترفيو

هيسالك علي مقياس 1:10 ايه تقيمك لنفسك و للانترفيو؟
حاول اجابتك تكون ما بين 7،8،9
لان ببساطة 10 هتدي علي الثقة الزايدة و ممكن الغرور
طيب لو سالك ليه مختارتش 10 قوله علشان محدش فينا كامل محدش يستحق 10
و لو اخترت 6 فيما اقل بيدل علي عدم الثقة في النفس و دا غير مستحب
لو انت عكيت في الانترفيو بقي او اول مره ليك في الشغل اختار 7
و لو حسيت نفسك مش عكيت اوي اختار 8
انما بقي لو واثق انك عديت كل الاسئلة و راضي تماما عن اجباتك اختار 9

السوال المهم بقي
Do You Have any questions for me ?
ال HR مش هيسالك السؤال دا علشان تقوله لا طبعا
كانك ما صدقت انك خلصت
لا ممكن تساله اي سوال من دول مثلا
– إيه الأقسام الموجودة في الشركة و إيه وظايفها ؟
– بتقيموا أداء الموظفين هنا على أساس إيه ؟
– لو اتقبلت، المفروض هشتغل في إيه في أول أيامي ؟
– إيه اكتر حاجة بتتميزوا بيها في الشركة ؟
بس بلاش تسال عن المرتب علشان مش تبان انك مادي

في النهاية اساله عن طريقة التواصل معاهم
و بلغه انك سعيد بالانترفيو و سلم عليه و ان شاء الله تتقبل 😀
استنوا اهم اسئلة الانترفيو 😉


اهم اسئلة الانترفيو


18 سؤال لازم تتسال في معظمهم في اي انترفيو
1-Tell Me about yourself?
2-What are your strengths and weaknesses?
3-Why should I hire you?
4-Why do you want to work at our company?
5-Can you work under pressure?
6-Where do you see yourself five years from now?
7-What are your goals?
8-What motivates you to do good jo?
9-How long would you expect to work for us if hired?
10-How much salary do you expect?
11-What position do you prefer on a team working on a project ?
12-Do you consider yourself a successful?
13-What irritates you about Co-workers?
14-Are you a team player?
15-Describe your management style ?
16-Reason Behind leaving your last job?
17-why should we hire you?
18-Do you describe yourself a successful?
دبلومة لمهندسين ميكانيكا

أضف تعليقاً